மனித சங்கிலி ஒத்திவைப்பு

இலங்கை தமிழர் பிரச்னைக்காக சர்வ கட்சி சார்பில் இன்று பிற்பகல் 3 மணிக்கு நடக்க இருந்த மனித சங்கிலி போராட்டம், அக்டோபர் 24-ம் தேதி வெள்ளிக்கிழமை பிற்பகல் 3 மணிக்கு ஒத்திவைக்கப்பட்டிருக்கிறதாம்.

காரணம்: பெருமழை.

அடப்பாவிகளா, குடையைப் பிடிச்சு நடத்தக் கூடாதா?

பூங்கோதைக்கு பதில் கீதா ஜீவன்

நம்ம பையனை கொஞ்சம் லஞ்ச கேஸ்ல இருந்து கழட்டி விட்ற மாட்டீகளா என்று லஞ்ச ஒழிப்புத் துறை இயக்குநர் உபாத்யாயாவிடம் போனில் பேசினார் சமூகநலத்துறை அமைச்சர் பூங்கோதை ஆலடி அருணா. அது டேப் ஆகிவிட்டது. பாலிடிக்ஸ் சுனாமி சுப்பிரமணியசாமி அதை வெளியிட்டு கலங்கடித்தார். சட்டசபையில் மேட்டர் வந்தது. வேறு வழி இல்லாததால் தனது ராஜினாமா கடிதத்தை முதல்வர் கருணாநிதிக்கு அனுப்பி வைத்தார் பூங்கோதை. அமைச்சர் பூங்கோதை செய்தது வெட்கக்கேடான செயல் என்று கூறிய கருணாநிதி, பூங்கோதையின் ராஜினாமா என் பரிசீலனையில் இருக்கிறது என்றார். இதைத் தொடர்ந்து கழுத்து, முதுகு வலிக்காக ஆஸ்பத்திரியில் அட்மிட் ஆகி நேற்றுதான் டிஸ்சார்ஜ் ஆனார். இந்நிலையில் ஆங்கிலப் பத்திரிகை ஒன்றில், பூங்கோதை மேட்டர் என்னாச்சு என்று கேள்வி எழுப்ப, அதற்கு இன்று காலையே விடை கிடைத்துவிட்டது.
பூங்கோதை ராஜினாமா ஏற்கப்பட்டு விட்டது. அவரது சமூகநலத்துறை, கால்நடைத்துறை அமைச்சராக இருந்த கீதா ஜீவனுக்கு கொடுக்கப்பட்டிருக்கிறது. கீதாவின் கால்நடை, ஊரகத் தொழில்துறை அமைச்சர் பொங்கலூர் பழனிச்சாமிக்கு கூடுதலாக தரப்பட்டிருக்கிறது.
கீதா ஜீவனுக்கு இது புரமோஷனா, டிபுரமோஷனா. சமூகம், கால்நடை இதில் எது சிறந்தது. லஞ்ச லாவண்யத்தில் திளைத்த பழைய அரசு அதிகாரி டிகால்டிகள் யாராவது பதில் சொல்லவும்.

கருணாநிதி ஆஸ்பத்திரியில் அட்மிட்

போரூர் ராமச்சந்திரா மருத்துவமனையில் இன்று காலை முதல்வர் கருணாநிதி அட்மிட் செய்யப்பட்டார். காலையில் இருந்தே இதுதொடர்பாக பல்வேறு வதந்திகள் பரவிக் கொண்டிருந்த நிலையில், இதுகுறித்து நிதியமைச்சர் அன்பழகன் ஓர் அறிக்கை வெளியிட்டு வதந்திகளுக்கு முற்றுப்புள்ளி வைத்தார்.
அன்பழகனின் அறிக்கை:
கடந்த சில நாட்களாக கடுமையான கழுத்து வலி மற்-றும் முதுகு வலி-யி-னால் முதல்வர் கருணாநிதி பாதிப்புக்கு உள்ளாகி இருந்தார். மருத்துவ-ம-னை-யில் சில நாட்-க-ளே-னும் தங்-கி-யி-ருந்து உரிய சிகிச்-சை-யைப் பெற வேண்-டும் என்று மருத்-துவ நிபு-ணர்-கள் வலி-யு-றுத்தி இருந்-த-னர். இதன் கார-ண-மாக போரூர் ராமச்-சந்-திரா மருத்-து-வ-ம-னை-யில் கரு-ணா-நிதி இன்று அனு-ம-திக்-கப்-பட்-டுள்-ளார். எனவே, சிகிச்சை நிறை-வ-டைந்து திரும்-பும் வரை அவரை யாரும் தொந்-த-ரவு செய்-திட வேண்-டாம் என்-றும் அவர் நலம் பெற முழு ஒத்-து-ழைப்பு நல்-கிட வேண்-டும் என்-றும் அனை-வ-ரை-யும் வற்-பு-றுத்-திக் கேட்-டுக் கொள்-கி-றேன். அன்-ப-ழ-கன் அறிக்கை இதுதான். ஆனால் இதன் பின்னணியில் அரசியல் காய் நகர்த்தல்களும் இருப்பதாக சொல்கிறார்கள். மருத்துவமனையில் சில நாட்களேனும் தங்கி சிகிச்சை பெறும் நிலையில் தனது பொறுப்புகளை அவர் ஸ்டாலினுக்கு கொடுக்கும் வாய்ப்பும் இருக்கிறது.